அச்சுறுத்தும் ரேபிஸ்

நாய்கள், பூனைகள், மற்றும் சில காட்டு விலங்குகளால் கடிக்கப்படும் போது ரேபிஸ் என்ற உயிருக்கு ஆபத்தான வைரஸ் நோய் பரவக்கூடும். இது சரியான நேரத்தில் சிகிச்சை பெறாவிட்டால் மரணத்திற்கே வழிவகுக்கும்.

ரேபிஸ் தொற்றின் முக்கிய அறிகுறிகள்:

•        உடல் காய்ச்சல் 
•        கடுமையான தலைவலி
•        நீரைக் கண்டு பயம் (Hydrophobia)
•        ஒலிக்குப் பயம் (Phonophobia)       
•        வாயில் அதிக எச்சில்
•        தசைகள் இறுக்கம், மூச்சுத் திணறல்
•        பக்கவாதம், மனம் பிதற்றுதல்

இந்த நோயைத் தவிர்க்கவும், விரைவில் சிகிச்சை பெறவும் சில அவசியமான முன்னெச்சரிக்கைகள் உள்ளன

நாய் அல்லது பூனை கடித்தால் உடனடியாக செய்ய வேண்டியவை:

    காயத்தை ஓடும் நீரில் நன்கு கழுவுங்கள் – குறைந்தபட்சம் 10 நிமிடங்கள். 

    சோப்பு அல்லது போவிடின் அயோடின் (Betadine) போன்ற கிருமிநாசினியை பயன்படுத்துங்கள்.

  உடனடியாக அருகிலுள்ள அரசு மருத்துவமனைக்கு சென்று டாக்டரிடம் சிகிச்சை பெறுங்கள்.

    காயத்தில் ரத்தம் வெளியேறினால், அது குறித்து மருத்துவரிடம் தெரிவிக்க மறக்க வேண்டாம்.

https://justnowcovai.com/ac-a217de2996c2c62490314b572070bc83ead84d8a/8TWGLM8AA2HM      

சில தவறான நம்பிக்கைகள் & உண்மைகள்:

தடுப்பூசி எடுத்தவுடன் அசைவம் சாப்பிடலாமா?
           ஆம். தடுப்பூசிக்கும் உணவுக்கும் தொடர்பில்லை. இது பழைய மூடநம்பிக்கை.

காயத்தை கையால் தொட வேண்டாமா?
            தவறாகக் கையாளல் வைரஸை பரப்பும். கைகளை பயன்படுத்தாமல், உடனடியாக கழுவ வேண்டும்.

மேலும் எச்சரிக்கை வேண்டிய நிலைகள்:

மலைப்பகுதிகள், காடுகள் போன்ற இடங்களில் காட்டு விலங்குகளால் கடிக்கப்படும் போது ரேபிஸ் தொற்று பரவும் அபாயம் அதிகம். எனவே பயணங்களில் கூடுதல் கவனமாக இருக்க வேண்டும்.

முக்கிய ஆலோசனை:

விலங்குகளால் கடிபட்டாலோ, சின்ன காயம் ஏற்பட்டாலோ கூட மருத்துவ உதவி பெறுவதே பாதுகாப்பான வழி.