ஸ்கோடா ஆட்டோ இந்தியா விற்பனை சாதனை

ஸ்கோடா ஆட்டோ இந்தியா, 2026-ஆம் ஆண்டிலும் தனது வலுவான வளர்ச்சிப் பாதையைத் தொடர்ந்து வருகிறது. இந்த ஆண்டு முதல் காலாண்டில் (ஜனவரி–மார்ச்) 20,028 யூனிட்களை விற்பனை செய்து, தனது வரலாற்றிலேயே அதிகமான காலாண்டு விற்பனையைப் பதிவு செய்துள்ளது. இது கடந்த ஆண்டு இதே காலகட்டத்தில் விற்பனையான 17,138 கார்களை விட 17% அதிகமாகும்.

2025-ஆம் ஆண்டின் சாதனையைத் தொடர்ந்து, நிறுவனம் தனது வளர்ச்சி வேகத்தை மேலும் அதிகரித்து, இந்திய சந்தையில் தன்னுடைய நிலையை வலுப்படுத்தியுள்ளது. குறிப்பாக கைலாக் மாடல் 50,000 விற்பனையை கடந்ததுடன், அதற்கான வலுவான தேவை இந்த வளர்ச்சிக்கு முக்கிய காரணமாக உள்ளது.

மேலும், புதிய குஷாக் அறிமுகம், ஸ்லாவியா மாடலின் நிலையான பங்களிப்பு மற்றும் பிரீமியம் எஸ்யூவி பிரிவில் கோடியாக் மாடலுக்கான தொடர்ச்சியான தேவை ஆகியவையும் விற்பனை உயர்வுக்கு துணைபுரிந்துள்ளன.

இந்த சாதனை குறித்து நிறுவனத்தின் பிராண்ட் இயக்குனர் ஆஷிஷ் குப்தா கூறுகையில், “2026-ஆம் ஆண்டிலும் வளர்ச்சிப் பயணத்தைத் தொடர்வது கடந்த ஆண்டின் சாதனைகளுக்கான வலுவான சான்றாகும். வாடிக்கையாளரை மையமாகக் கொண்ட அணுகுமுறை, புதிய தயாரிப்புகள் மற்றும் விரிவடைந்த வலையமைப்பு ஆகியவை இந்த வளர்ச்சியை இயக்குகின்றன” என்றார்.

இன்னும் வரவிருக்கும் காலங்களில், புதிய தயாரிப்புகள் அறிமுகம், வலையமைப்பு விரிவாக்கம் மற்றும் வாடிக்கையாளர் அனுபவத்தை மேம்படுத்துதல் ஆகியவற்றின் மூலம் இந்த வளர்ச்சியைத் தொடர்ந்து தக்கவைத்துக்கொள்ள ஸ்கோடா ஆட்டோ இந்தியா திட்டமிட்டு செயல்பட்டு வருகிறது.