கோவையில் ரியல் எஸ்டேட் மதிப்பு உயர்வு
மூன்று ஆண்டுகளில் இருமடங்கு வளர்ச்சி
கோவை | ஐடி பார்க் அருகே குட்டையில் குளிக்கும் யானைகள்; வனத்துறையினர் கண்காணிப்பு
கோவை மாவட்டம் மேற்கு தொடர்ச்சி மலை அடிவாரத்தில் அமைந்துள்ளதால், யானை, சிறுத்தை, காட்டு மாடு, கரடி உள்ளிட்ட வனவிலங்குகளின் நடமாட்டம் இப்பகுதிகளில் அதிகமாக காணப்படுகிறது.
அண்மைக் காலங்களில் யானைகள் மற்றும் சிறுத்தைகள் ஊர்ப்பகுதிகளுக்குள் அடிக்கடி நுழைந்து வருவது பொதுமக்களிடையே அச்சத்தை ஏற்படுத்தியுள்ளது. குறிப்பாக, காட்டை ஒட்டியுள்ள கிராமங்கள் வழியாக நகரப் பகுதிகளுக்கும் யானைகள் வரத் தொடங்கியுள்ளன. இந்த நிலையில், கோவையில் ஐடி பார்க் அருகே உள்ள குட்டையில் யானைகள் குளித்து விளையாடும் காட்சிகள் காணப்பட்டன.
இந்த யானைகள் நடமாட்டத்தால் விளைநிலங்கள் மற்றும் வீடுகள் சேதமடைந்துள்ளதாக பொதுமக்கள் புகார் தெரிவித்து வருகின்றனர். அதே நேரத்தில், காடுகளை ஒட்டி அதிக அளவில் கட்டிடங்கள் கட்டப்பட்டு வரும் நிலையில், சாலைகள், குடியிருப்புகள் மற்றும் வளர்ச்சிப் பணிகள் காரணமாக யானைகளின் இயல்பான நடமாட்டு பாதைகள் பாதிக்கப்பட்டுள்ளதாகவும் குற்றச்சாட்டுகள் எழுந்துள்ளன.
யானைகள் குட்டையில் குளித்தபோது எந்தவித அசம்பாவிதமும் ஏற்படாத வகையில், வனத்துறையினர் தொடர்ந்து கண்காணிப்பு பணியில் ஈடுபட்டனர். பொதுமக்கள் யானைகள் இருக்கும் பகுதிகளுக்கு செல்ல வேண்டாம் என்றும், இரவு நேரங்களில் கூடுதல் எச்சரிக்கையுடன் இருக்க வேண்டும் என்றும் வனத்துறை அறிவுறுத்தியுள்ளது.
